Նոյեմբերի 18-23 Սպիտակ տան այցելուների սրահում կցուցադրվի «Հայ որբերի գորգ»-ը «Շնորհակալություն Միացյալ Նահանգներ. Երեք նվերներ նախագահներին` ի երախտիք արտասահմանում ամերիկյան առատաձեռնության» խորագրով ցուցահանդեսի շրջանակներում: Ինչպես նշում է Սպիտակ տան պաշտոնական կայքը, այս գորգը 1925-ին նվիրել են նախագահ Ք. Քուլիջին տեղահանված հայ որբերին ամերիկյան ժողովրդի կողմից ցուցաբերած մարդասիրական օգնության համար: Նշենք, որ հոկտեմբերի 16-ին Ամերիկայի Հայ դատի հանձնախմբի կողմից տարածվել էր հայտարարություն, ըստ որի՝ գորգի ցուցադրությունը Սպիտակ տանը մի քանի ամիս տևած կոնգրեսականների և հայ համայնքի կողմից ճնշումների արդյունք է: 

Հավելենք, որ ավելի վաղ այս թեմային անդրադարձել էր ամերիկյան Washington Post պարբերականը՝ ներկացնելով գորգի ստեղծման պատմությունը, գտնվելու վայրը և ցուցադրման հետ կապված խնդիրները: Ավելի մանրամասն՝ ՀԱՅԿԱԿԱՆ ԳՈՐԳԸ ՍՊԻՏԱԿ ՏԱՆ ՆԿՈՒՂՈՒՄ:

Աղբյուրը՝ www.whitehouse.gov. 

                  www.anca.org