Ինչպես հայտնում է ռուսական “ИТАР-ТАСС” լրատվական գործակալությունը, նոյեմբերի 26-ին ՌԴ մայրաքաղաք Մոսկվայում առաջին անգամ անցկացվեց հայ գրերի տոնը: Այն հնարավորություն տվեց մոսկվացիներին ծանոթանալ հին հայկական մշակույթին: Տոնի շրջանակներում անցկացվեց Մեսրոպ Մաշտոցի անվան հին ձեռագրերի ինստիտուտի՝ Մատենադարանի հնագույն ձեռագրերի ցուցահանդեսը, որի ընթացքում միջոցառման հյուրերը ծանոթացան Սուրբ Մեսրոպ Մաշտոցի գործունեությանը:
Տոնական երեկոն շարունակվել է համերգով, ինչպես նաև Մեսրոպ Մաշտոցի մասին ֆիլմի ցուցադրությամբ: Համերգին մասնակցել են նաև Երևանի քաղաքապետ Տարոն Մարգարյանը և Մոսկվայի կառավարության ներկայացուցիչները:
Ըստ Ա. Աբրահամյանի, հայկական համայնքը Ռուսաստանում այսօր համախմբում է մոտ 2.5 մլն հայ, իսկ Մոսկվայում այդ թիվը կազմում է ավելի քան 600 հազար մարդ:
Այս անգամ հայ գրերի տոնը Մոսկվայում նվիրված է Մոսկվայում Երևանի օրերի բացմանը, որոնք տեղի կունենան նոյեմբերի 26 - 29-ը:
Երևանի օրերի շրջանակներում տեղի կունենան մի շարք այլ միջոցառումներ, այդ թվում՝ Մոսկվա-Երևան երիտասարդական սպորտային խաղեր, «Հայկական մոտիվներ» ցուցահանդես Ռուսաստանի ժամանակակից պատմության պետական կենտրոնական թանգարանում, Երևանի Ստանիսլավսկու անվան ռուսական դրամատիկական թատրոնի հյուրախաղերը, հայկական գինիների համտես-ցուցահանդես, ինչպես նաև «Դու իմ հավերժ Հայաստան» գիրք-ցուցահանդես Ն. Նեկրասովի անվան կենտրոնական ունիվերսալ գիտական գրադարանում, բիզնես-համաժողով և այլն:
Բացի այդ, նախատեսվում է Երևանի ու Մոսկվայի քաղաքային իշխանությունների գործադիր մարմինների միջև համագործակցության ծրագրի ստորագրում:
Աղբյուրը՝ ИТАР-ТАСС
Վերադառնալ
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am