Ամերիկյան «Նյու-Յորք թայմս» պարբերականը անդրադարձել է «Նորարար փորձարարական արվեստի միության» գործունեությանը՝ համարելով այն այլընտրանքային արվեստի հիմնական վայրը Հայաստանում: «Հանգստյան օրերին  Վերնիսաժի շուկայում թե՛ տեղացիները, թե՛ զբոսաշրջիկները աչքի տակով անցկացնում են գեղեցիկ պարսկական գորգեր,  խորհրդային ժամանակների ռազմական մեդալներ, ինքնաեռներ, շախմատներ, փորագրված զարդատուփեր և այլն: Սա կարծես քայլ ետ լինի դեպի Մետաքսի ճանապարհի ժամանակները:

Արձանի մոտ է գտնվում Նորարար փորձարարական արվեստի կենտրոնը, որտեղ ցուցադրվում են երիտասարդ ավանգարդ արվեստագետները»,- ասվում է հոդվածում, որտեղ ներկայացվում է նաև կենտրոնի ստեղծման պատմությունը: Խոսվում է Էդվարդ Բալասանյանի և վերջինիս կնոջ՝ Սոնիայի մասին, որոնք դիմադրության էին սպասում Երևանում ժամանակակից և փորձարարական արվեստի կենտրոն բացելիս:

«Չնայած մենք հավատում ենք ակադեմիական կրթությանը, այնուամենայնիվ մենք աջակցում ենք նրանց, ովքեր ուսումից հետո հետ են կանգնում դրանից: Խորհրդային ժամանակաշրջանի մի շարք արվետսագետներ, ինչպես նաև Հայաստանի նկարիչների միության անդամների մեծ մասը դեռ չեն հասկացել կենտրոնի մոտիվները և  բանավոր կերպով չեն ընդունում կենտրոնի ծրագրերը»,- նշում է պրն. Բալասանյանը:

1992 թ. տիկին Բալասանյանը կազմակերպում է իր առաջին ժամանակակից արվեստի ցուցադրությունը:

2007 թ. կենտրոնը կազմակերպում է ցուցադրություն «Երևանյան ճգնաժամ» անվանմամբ, որը կենտրոնացել էր սոցիալական խնդիրների վրա:

Խոսվում է նաև Գաֆէսճիան արվեստի կենտրոնի մասին, որը ժամանակակից արվեստի և ապակե արվեստի մեծ հավաքածու ունի, որտեղ կան նաև Մարկ Շագալի և Ջոն Ալթունի աշխատանքներից: Իսկ խոսելով Հայաստանի Ազգային պատկերասրահի մասին՝ հոդվածագիրը նշում է, որ,  նախկին Խորհրդային միության երկրների հետ համեմատած, այն մեծությամբ երրորդն է եվրոպական նկարիչների իր հավաքածուով: (Ռոդեն, Ռուբենս, Տինտորետո): 

Աղբյուրը՝ The New York Times