ՄԻՐԶՈՅԱՆ Միքայել Հովհաննեսի (ծնվել է 21.8.1888, Թիֆլիս – մահացել է 26.11.1958, Երևան), կոմպոզիտոր, խմբավար, մանկավարժ: ՀԽՍՀ արվեստի վաստակավոր գործիչ (1939): Է. Մ. Միրզոյանի հայրը: Ավարտել է Թիֆլիսի Ներսիսյան դպրոցը (1908), Թիֆլիսի կոնսերվատորիան (1921): 1928-58-ին՝ Երևանի Սպենդիարյանի անվան երաժշտական դպրոցի ուսումնական բաժնի վարիչ: Գրել է հիմնականում կամերային երկեր, մանկական երգեր, խմբերգեր, ռոմանսներ, էպիկական բալլադ՝ «Սասունցի Դավիթ», մանկական երաժշտական պատկերներ՝ «Ծիտն ու սագը», «Ճպուռն ու մրջյունը», «Մկների ժողովը», «Տատի հավերը» ևայլն: Հեղինակ է «Դպրոցական երգարանի» (1935), «Նոտային գրագիտության դասագրքի» (1935), «Երաժշտական գրագիտության և երգի ձեռնարկի» (1955): Հրատարակվել է Միրզոյանի երգերի և ռոմանսների ժող. (կազմ.՝ Ռ. Աթայան, Է. Միրզոյան, 1966):
Միրզոյանի անունով երաժշտական դպրոց է կոչվել Երևանում:
Գրականության ցանկ՝
«Ով ով է: Հայեր» հանրագիտարան, հատոր երկրորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:
Գրիգորյան Ք . Միքայել Միրզայան, Ե., 1969:
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am