• Նորություններ
• Հղումներ
• Գործընկերներ
• Կայքի Քարտեզ

 ՇԱՊԱՆՅԱՆ (Շաբանյան) Արսեն [1864. գ. Սունինց (Կարինի մոտ) - 1949, Փարիզ], նկարիչ:Սովորել է Վենետիկում, ապա մեկնել Թեոդոսիա, որտեղից էլ Հ.Կ. Այվազովսկու խորհրդով՝ Փարիզ, ուսանել Ժյուլիեն ակադեմիայում: Ստեղծագործել է հիմնականում ծովանկարչության բնագավառում. «Լուսնի լույսով», «Պայծառ գիշեր», «Ցայգախոհք», «Վերջալույսը Բրետանում», «Ծովային տեսարան» (վերջինս՝ ՀԱՊ-ում) ևն: Գործերին բնորոշ է բանաստեղծական խոհականությունը: Հեղինակ է նաև կենցաղաղային կոմպոզիցիոն պատկերների և նատյուրմորտների: Ֆրանսիայի ծովանկարիչների և գունավոր փորագրության նկարիչների ընկերությունների հիմնադիրներից, հայ արվեստագետների «Անի» խմբակցության անդամ: Անհատական ցուցահանդեսներ՝ Փարիզում (1926) և այլուր:

1926 թ. արժանացել է  Ֆրանսիայի Պատվո լեգեոնի շքանշանի:

Գրականության ցանկ

«Ով  ով է: Հայեր» հանրագիտարան, հատոր երկրորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007, էջ 252-254: