• Նորություններ
• Հղումներ
• Գործընկերներ
• Կայքի Քարտեզ

Քանդակագործությունը վաղ միջնադարյան Հայաստանում: Վաղ միջնադարի ճարտարապետության տպավորիչ հաջողություններին համընթաց՝ վերելք ապրեց նաև քանդակագործությունը: Տիրապետող գաղափարախոսության ազդեցությամբ դարաշրջանի քանդակագործության մեջ գերիշխում էին կրոնական բնույթի քանդակները: Քրիստոնեական ընդհանուր տեսարաններին և պատկերներին զուգահեռ՝ Հայաստանում մեծ տարածում են ստանում տեղական, ազգային թեմաները, տեսարանները, Տրդատ III-ի և Գրիգոր Լուսավորչի գործունեության հետ կապված դրվագները:

Ճարտարապետական հուշարձանների ներքին հարդարման ձևերից Էին որմնանկար-ները և խճանկարները: IV- V դարերից պահպանվել են որմնանկարների բեկորներ, իսկ VII դարից մեզ են հասել ամբողջական կոմպոզիցիաներ (Թալին, Լմբատավանք, Արուճ): Հայոց եկեղեցուն բնորոշ չէ պատկերազարդությունը, բայց և նա չի խուսափել պատկերների միջոցով հավատացյալների վրա ներգործելու այդ ազդու միջոցից:

Դարաշրջանի ամենանշանավոր խճանկարները գտնվել են Երուսաղեմում, ուր եղել են բազմաթիվ հայկական եկեղեցիներ: Այդ, ինչպես նաև Հայաստանում գտնված խճանկարները կապված են հելլենիստական պատմաշրջանի խճանկարչական արվեստի հետ և կրում են անտիկ ավանդույթների աղդեցությունը: Միաժամանակ դրանց մեջ հին պատկերների և զարդաձևերի կողքին հանդես են գալիս քրիստոնեական խորհրդանիշ-պատկերներ, իսկ խճանկարները ավելի գունեղ են ու արտահայտիչ: Վաղ միջնադարում սկիզբ է առնում գրքերի զարդարման արվեստը՝ մանրանկարչությունը, որից միայն առանձին նմուշներ են պահպանվել:

                                                                              Մարգարյան Հ.

Տես նաև՝

Վաղ միջնադարյան մշակույթը Հայաստանում:

Պատմագրությունը վաղ միջնադարյան Հայաստանում:

Փիլիսոփայությունը վաղ միջնադարյան Հայաստանում:

Ճարտարապետությունը վաղ միջնադարյան Հայաստանում:

Երաժշտությունը և թատրոնը վաղ միջնադրյան Հայաստանում: