ՆԱԶԱՐԵԹՅԱՆ Խաչիկ Հակոբի. ծնվել է 1931 թվականի հունվարի 18-ին Պլովդիվում (Բուլղարիա), դերասան: ՀԽՍՀ վաստակավոր արտիստ (1965): Հայրենադարձել է 1946-ին:
1949-1957-ին՝ շրջանային, 1957-1977-ին՝ ԵՊՀԹ, 1977-ից՝ Սունդուկյանի անվան թատրոնի դերասան: Դերերից են՝ Նիլ (Մաքսիմ Գորկու «Քաղքենիներ»), Գնդապետ Բագրատյան (Միքայել Շաթիրյանի «Երաժշտախումբ», ՊՀԹ-ների համամիութենական փառատոնի 1-ին մրցանակ, Մոսկվա, 1958), Օգսեն, Մանուկ աղա (Հակոբ Պարոնյանի «Պաղտասար աղբար», «Մեծապատիվ մուրացկաններ»), Տուլլոս Օֆիդիոս (Շեքսպիրի «Կորիոլան», ԽՍՀՄ Պետական մրցանակ՝ 1981): Նկարահանվել է կինոյում («Պատվի համար», 1956, «Նվագախմբի տղաները», 1960, «Վերադարձ», 1972, «Շնչառություն», 1988, բոլորը՝ Հայֆիլմ): Մահացել է 2002 թվականի հունիսի 5-ին Երևանում:
Գրականության ցանկ
«Ով ով է: Հայեր» հանրագիտարան, հատոր երկրորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am