ՍՊԵՆԴԻԱՐՅԱՆԻ ՏՈՒՆ-ԹԱՆԳԱՐԱՆ, գործում է 1967-ի նոյեմբերի 25-ից, Երևանում, Նալբանդյան փողոցի № 21 տանը, որտեղ Ա. Սպենդիարյանն ապրել է 1926-1928 թթ.: Ֆոնդերը կազմում են մոտ 1300 միավոր: Ցուցասրահներում ներկայացված են կոմպոզիտորի կյանքին և ստեղծագորությանը վերաբերող նյութեր, անձնական իրեր: Ցուցադրանքի բաժիններից մեկը կոմպոզիտորի ստեղծագործության երևանյան շրջանին (1924-28), ներկայացված են նրա ինքնագրերը, դիմակը, կիսնադրին (երկուսն էլ դիմակահան և քանդ.՝ Ա. Սարգսյան) աշխատասենյակը, որտեղ գործիքավորել է «Ալմաստ» օպերան, 1983-ի բեմադրության ձևավորման մանրակերտը (մենանկարիչ՝ Սարգիս Արտուչյան), Ալ. Գրիգորյանի «Ալմաստ» կոմպոզիցիան (1971), տարբեր քաղաքներում բեմադրությունների, դիրիժորների, դերակատարների լուսանկարներ, ազդագրեր ևն: Թանգարանում պարբերաբար կազմակերպվում են համերգներ, դասախոսություններ, ավանդաբար, ամեն տարվա սեպտեմբերի 25-ին տեղի են ունենում սպենդիարյանական օրեր:
Գրականության ցանկ
«Հայկական համառոտ հանրագիտարան», հատոր չորրորդ, գլխ. խմբ. Հ. Այվազյան, Հայկական հանրագիտարան հրատ., Երևան, 2003:
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am