ԱՐԶՈՒՄԱՆՅԱՆ Բաղդասար Հայրապետի [1.1.1916, գ. Մազրա (այժմ` Բարձրավան` ՀՀ Սյունիքի մարզում) – 20.11.2001, Երևան], ճարտարապետ: ՀՀ վաստակավոր շինարար (1966): Ավարտել է ԵՊԻ (1949): 1959–76-ին` Երևաննախագիծ ինստիտուտի արվեստանոցի ղեկավար, 1976-ից` գլխ. մասնագետ: Արզումանյանի նախագծերով կառուցվել են Վանաձորի կենտրոնական հայկական հրապարակի համալիրը (1955–60), Երևանում` ճոպոնուղու կայարանները (1962–64), «Էրեբունի» թանգարանը (1968), մետրոպոլիտենի «Սասունցի Դավիթ» կայարանը (1980), Սամարղանդի հիմնադրման 2500-ամյակի «Աֆրասիաբ» թանգարանը (1970), Ս. Էջմիածին վանքում` «Վանատուն» հյուրանոցը (1972), «Գանձատուն» թանգարանը (1982), 1970–80-ական թթ. իրականցվել ոսկերչական կերտվածքներ` «Հայոց այբուբենը» ևն, հայկական եկեղեցիներ` Ներքին Դվինում, Սպիտակում, Նորքում (Երևան), Օդեսայում, Գյումրիում (հնգագմբեթ Ս. Հակոբ Մծբնացի, օծվել է 2002-ին), բնակելի, վարչական շենքեր Երևանում ևն: Կազմել է «Հայկական եկեղեցիներ» ալբոմը (1970), գրել տեքստեը: Հեղինակ է Ս. Գրիգոր Լուսավորիչ, Ս. Սահակ-Ս. Մեսրոպ, Ս. Ներսես Շնորհալի շքանշանների: «Տարվա լավագույն կառույց» համամիութենական մրցույթի դափնեկիր, ԽՍՀՄ գեղարվեստի ակադեմիայի ոսկե մեդալ (1989): Հայ եկեղեցու Ս. Գրիգոր Լուվորիչ շքանշան (1997):
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am