ԱՄԵՐԻԿՅԱՆ Ցոլակ (Սուլուլիկյան Գալուստ) Քերովբեի [23.9.(5.10).1887, Տրապիզոն – 17.9.1964, Երևան], դերասան: ՀԽՍՀ ժողովրդական արտիստ (1947): 1909-ից խաղացել է Սիրանույշի, Հ. Աբելյանի, Վ. Փափազյանի խմբերում, շրջագայել Ռուսաստանի հայաշատ, Արմ. Հայաստանի բազմաթիվ վայրերում: 1931-ից` Լենինականի պետական թատրոնի դերասան: Ամերիկյանի ստեղծած բարձր ներշնչանքով, բեմական հմայքով տոգորված բազմաթիվ կերպարներ մտել են հայ բեմարվեստի պատմության մեջ` Սատին (Գորկու «Հատակում»), Մանուկ աղա («Մեծապատիվ մուրացկաններ», ըստ Պարոնյանի), Մամլոկ (Վոլֆի «Պրոֆեսոր Մամլոկ»), Մուրմոսկի (Սուխովո Կոբիլինի «Կրեչինսկու հարսանիքը») ևն: Նկարահանվել է կինոյում («Զանգեզուր», 1936, «Տժվժիկ», 1961, երկուսն էլ` Հայֆիլմ) ևն:
«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, հայկական հանրագիտարան հրատ., Երևան, 2007:
Հարությունյան Ս., Ցոլակ Ամերիկյան, Ե., 1957:
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am