ԱՄԱՐԱ (Արմաղանյան) Լուսին Գևորգի (1.3.1927, Հարթֆորդ, Քոննեկտիքութի նահանգ, ԱՄՆ), երգչուհի (սոպրանո): Սովորել է Արևմուտքի երաժշտական ակադեմիայում (1947), Հվ. Կալիֆոռնիայի համալսարանում (1949–50), ձայնամարզության դասեր առել Այզներ Էմիսից (1944–57): 1950-ից` Նյու Յորքի Մետրոպոլիտեն օպերայի երգչուհի: Դերերգերից են` Դոննա Էլվիրա, Պամինա (Մոցարտ «Դոն Ժուան», «Կախարդական սրինգ»), Աիդա, Լեոնորա, Դեզդեմոնա (Վերդիի «Աիդա», «Տրուբադուր», «Օթելլո»), Միմի, Տոսակ, Չիո-Չիո սան (Պուչչինիի «Բոհեմա», «Տոսկա», «Չիո-Չիո սան»): Երկացանկում են Բեթհովենի 9-րդ սիմֆոնիայի, Մոցարտի Ռեքվիեմի սոպրանոյի երգամասերը: 1965-ին Երևանի օպերայի և բալետի թատրոնում հանդես է եկել Աիդայի դերերգով և մենահամերգով: Երգիչների համաամերիկյան մրցույթի 1-ին մրց. (1948, Լոս Անջելես):
«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, հայկական հանրագիտարան հրատ., Երևան, 2007:
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am