ԱԼԹՈՒՆՅԱՆ Ռուբեն Թաթուլի (ծ. 31.3.1939, Երևան), ալտահար, կոմպոզիտոր: ՀՀ վաստակավոր արտիստ (1983): Թ.Տ. Ալթունյանի որդին: Ավարտել է Երևանի կոնսերվատորիայի ալտի (1964), ստեղծագործական (1970) բաժինները: 1968-ից դասավանդում է նույն կոնսերվատորիայում (պրոֆ.` 1990-ից): 1987–90-ին` Թ. Ալթունյանի անվ. երգի-պարի պետ. անսամբլի գեղաևվեստական ղեկավար, 1983–96-ին` Գուսան. և ժող. երգի պետ. անսամբլի հիմնադիր և գեղ. ղեկավար: Գրել է ձայնի կոնցերտ (1969), «Հիշատակարան» կանտատը (1969, խոսք` Հ. Մաթևոսյանի), սիմֆոնիա (1980), կամերային սիմֆոնիետ (1997), «Թափուր անդաստան» (դուդուկի, զուռնայի և կամերային նվագախմբի համար, 1998), «Անտունի» (քամանչայի և կամերային նվագախմբի համար, 2001), «Մարգարտաշար» (Թ. Ալթունյանի երգերից, 1996), 2 կվարտետ (1962, 1996), ժողովրդական երգերի մշակումներ: ՀՀ Պետ. մրց. (2001):
Գրականության ցանկ
«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, հայկական հանրագիտարան հրատ., Երևան, 2007:
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am