ԱԼԻԽԱՆՅԱՆ Իսահակ Սիմոնի [7(19).2.1876, Դուշեթ (Վրաստան) – 14.3.1946, Թբիլիսի], դերասան: Ս.Ի. Ալիխանյանի հայրը: ՀԽՍՀ (1923), ՎԽՍՀ (1941) ժողովրդական արտիստ: Ավարտել է Ներսիսյան դպրոցը (1896): 1897–1909-ին` Բաքվի, Նոր Նախիջևանի, 1910-ից` Թիֆլիսի հայկական թատրոնների դերասան: 1921-ին Հայաստանի Առաջին պետթատրոնում (այժմ` Սունդուկյանի անվ. թատրոն) բեմադրել է թատրոնի առաջին ներկայացումը` Սունդուկյանի «Պեպոն» (Պեպո` Ալիխանյան): Լավագույն դերերից են` Միշկին («Ապուշը», ըստ Դոստոևսկու), Խլեստակով (Գոգոլի «Ռևիզոր»), Նեզնամով (Ա. Օստրովսկու «Անմեղ մեղավորներ»), Օսվալդ (Իբսենի «Ուրվականներ») ևն: Ալիխանյանի դերասանական փորձի և ոճի խտացումը Աբեղայի (Շանթի «Հին աստվածներ») անձնավորումն է, որը հատուկ տեղ ունի հայ բեմարվեստի պատմության մեջ: Բեմադրել է շուրջ 25 ներկայացում:
Գրականության ցանկ
«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, հայկական հանրագիտարան հրատ., Երևան, 2007:
Աբաջյան Գ., Իսահակ Ալիխանյան, Ե., 1967:
.jpg&width=50)
ԺԱՄԱՆԱԿԱԳՐԱԿԱՆ ԱՂՅՈՒՍԱԿԱլեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am
