ԱՂԱԼՅԱՆ Ֆրեյդուն Հակոբի [20.11 (1.12), 1876, Շուշի – 1.2.1944, Երևան], ճարտարապետ: Ա.Ֆ. Աղալյանի հայրը: Ավարտել է Ս. Պետերբուրգի Քաղաքացիական ճարտարագետների ինստիտուտը (1903): 1903–21-ին աշխատել է Բաքվում և այլ քաղաքներում, 1921-ից` Երևանում: 1930–37-ին` Քանաքեռշինի ճարտարապետական բաժնի վարիչ: Աղալյանի նախագծերով Բաքվում կառուցվել են բնակելի թաղամաս, երկթղուղային ուղեկամուրջներ, գանձատունն ու հարկային պալատը, Բանվորական տունը, Գրոզնիում` բնակելի տներ, երկաթբեկոնե կամուրջ Սունժա գետի վրա, Արմավիրում` հայկական եկեղեցի, Կիսլովոդսկում` ամառանոցներ, Ղզլարում` հիվանդանոց և ամբուլատորիա, Երևանում` Քանաքեռի ջրէկի վարչական և բնակելի շենքերը, Հայջրտնտ. նախ-յան բնակելի շենքը, Քեթրանի (այժմ` գ. Գետամեջ` ՀՀ Կոտայքի մարզում) ջրանցույցը: Աղալյանը դասավանդել է Բաքվի (1917–21) և Երևանի (1922–37) ուսումնական հաստատություններում:
Գրականության ցանկ
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am