ԱՂԱՋԱՆՅԱՆ, Աղաջանովա - Շուտկո, Նինա (Նունե) Փինարդոսի [8.11.1889, Եկատերինոդար (այժմ` Կրասնոդար` ՌԴ-ում) – 14.12.1974, Մոսկվա], կուսակցական գործիչ, կինոսցենարիստ: Հաճախել է Եկատերինոդարի մանկավարժական դասընթացներին: Հեղափոխական գործունեության համար բանտարկվել և աքսորվել է (1911–16): Մասնակցել է Փետրվարյան և Հոկտեմբերյան հեղափոխություններին, 1921–22-ին եղել Պրահայի, 1934–38-ին` Ռիգայի խորհրդային դեսպանատների աշխատակից: Կինոյում աշխատել է 1924-ից: 1945–52-ին դասավանդել է Մոսկվայի կինեմատոգրաֆիայի ինստիտուտում: Հեղինակ է ««Պրոտյոմկին» զրահանավը», «Սպիտակների մոտ` թիկունքում» (երկուսն էլ` 1925), «Կրասնայա Պրեսնյա» (1926), «Նավաստի Իվան Գալայը» (1929), «Դասալիք» (1933) և այլ ֆիլմերի սցենարների:
«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, հայկական հանրագիտարան հրատ., Երևան, 2007:
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am