ԱՃԵՄՅԱՆ Հարություն (Արիել) Ստեփանի [18.12.1904, Բրուսա (Թուրքիա) – 28.11.1965, Նյու Յորք], նկարիչ: Սովորել է Վենետիկի Գեղարվեստի
ակադեմիայում (1923–26): Ապրել է Վենետիկում, Միլանում, 1931–38-ին` Փարիզում (ցուցադրվել է Անկախների սալոնում), 1938-ից` ԱՄՆ-ում: Ակադեմիական ռեալիզմի ներկայացուցիչ է: Աճեմյանը ստեղծել է ազգային թեմաներով պատկերներ («Շարական», «Ջարդը», «Հայկական պանթեոն», «Ազգային դաստիարակություն», «Հայաստանի փառք»), բնանկարներ, դիմանկարներ, հոգևոր ու աշխարհիկ թեմաներով որմնանկարներ` Ֆրանսիայի, ԱՄՆ-ի հայկական և օտար եկեղեցիների ու վարժարանների համար: Պատկերազարդել է գրքեր: Աճեմյանի «Կանացի դիմանկարը» և «Հայ մամիկը» (երկուսն էլ` 1938) պահվում են ՀԱՊ-ում:
«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, հայկական հանրագիտարան հրատ., Երևան, 2007:
.jpg&width=50)
ԺԱՄԱՆԱԿԱԳՐԱԿԱՆ ԱՂՅՈՒՍԱԿԱլեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniaculture.am
