• Նորություններ
• Հղումներ
• Գործընկերներ
• Կայքի Քարտեզ

 ԱԹԱՆՅԱՆ Արմեն Վլադիմիրի. ծնվել է 1960 թվականի դեկտեմբերի 8-ին Երևանում, քանդակագործ, նկարիչ: Վլադիմիր Աթանյանի որդին: Ավարտել է ԵԳԹԻ (1982): ՀՀ Մշակույթի աջակցման և ռազմավարության հայկական կենտրոնի նախագահ (2000-ից): Հեղինակ է «Կրկես» (1980), «Հեքիաթ» (1982, ԵՏԹ), «Թատրոն» (1983, շարք), «Երկուսը» (1986, ԵԿԹ), «Գայլերի համաստեղություն» (1987, քաղաք Եղվարդ, ՀՀ Կոտայքի մարզ), «Անտիկ հայ թատրոն» (1986, Երևանի «Անի» հյուրանոց) քանդակների, «Հոգիներ կանչողները» (1982, Սիրիայի պետական համալսարան) գեղանկարների, գեղարվեստական ձևավորումների: Անհատական ցուցահանդեսներ՝ Քյոնիգսբերգում (1991, 1992), Լեհաստանում (1992), Հարավ-աֆրիկյան հանրապետությունում (1994, 1995), ԱՄՆ-ում (2000, 2001), Աթենքում (2002): Աֆրիկայի նկարիչների ընկերակցության անդամ (1995-ից):