• Նորություններ
• Հղումներ
• Գործընկերներ
• Կայքի Քարտեզ

 ԱՐՈՒՏՉՅԱՆ Սերգեյ Ավետի. ծնվել է 1912 թվականի  հունիսի 6(19)-ին Բաքվում, նկարիչ: Ս. Ա. Արուտչյանի եղբայրը: ՀԽՍՀ ժողովրդական նկարիչ (1965): Ավարտել է ԵՊԻ ճարտարապետության բաժինը (1937): 1939-1948-ին՝ Սունդուկյանի անվան թատրոնի, 1954-64-ին՝ «Ոզնի» հանդեսի գլխավոր նկարիչ: Ձևավորել է «Մեծապատիվ մուրացկաններ» (ըստ Պարոնյանի, 1941), Ա. Արաքսմանյանի  «Հրաբխի վրա» (1943), Կ. Սիմոնովի «Ռուսական հարց» (1947, բոլորը՝ Սունդուկյանի անվան թատրոն) ներկայացումները, «Քաջ Նազար» (1940), «Պատվի համար» (1956, երկուսն էլ՝ Հայֆիլմ) և այլ կինոնկարներ: Լույս են տեսել Արուտչյանի «Ժպիտ և ցասում» (1962), «Առանց դիմակի» (1972, ալբոմ-ժողովածուն), «Ա. Ա. Արուտչյան» (1982, ալբոմ) գրքերը: Անհատական ցուցահանդեսներ՝ Պիսեկում (Չեխոսլովակիա), Մոսկվայում,  Տալլինում, Երևանում:  Մահացել է 1986 թվականի օգոստոսի 27-ին Երևանում: