• Նորություններ
• Հղումներ
• Գործընկերներ
• Կայքի Քարտեզ

 ԱՐՈՒՏՉՅԱՆ Սարգիս Տիգրանի. ծնվել է 1920 թվականի  սեպտեմբերի 25-ին  Դոնի Ռոստովում, նկարիչ: ՀԽՍՀ Ժողովրդական նկարիչ (1984): Ավարտել է ԵԳԻ (1950): 1951-ին՝ ԵՊՀԹ, 1951-1970-ին և 1985-ից՝ Սունդուկյանի անվան, 1970-1985-ին՝ Երևանի օպերայի և բալետի թատրոնների գլխավոր նկարիչ: Գործերից են՝ Ա. Միլլերի «Սալեմի վհուկները» (1965), «Ապուշը» (ըստ Դոստոևսկու, 1968), Շեքսպիրի «Օթելլո» (1969, երեքն էլ՝ Սունդուկյանի անվան թատրոն), Ա. Անկիլովի «Զինվորի այրին» (1974, ՀՀ Պետական մրցանակ, 1975, ԵՌԹ) դրամատիկական, Ռոսսինիի «Սևիլյան սափրիչ» (1974), Պուչչինիի «Բոհեմա» (1986) օպերային ներկայացումների ձևավորումները: Ներկայացումներ է ձևավորել նաև Թբիլիսիի, Լենինգրադի, Դյոր Շոպրոնի (Հունգարիա) և այլ թատրոններում: 1967-ին մասնակցել է Սան Պաուլոյի համաշխարհային ցուցահանդեսին: Անհատական  ցուցահանդես՝ Երևանում (1974): Մահացել է 2000 թվականի մայիսի 12-ին Լոս Անջելեսում:

 «Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007: