• Նորություններ
• Հղումներ
• Գործընկերներ
• Կայքի Քարտեզ

 ԱԼԵՔՍԱՆՅԱՆ Աշոտ Սուրենի. ծնվել է 1934 թվականի մարտի 20-ին Երևանում, ճարտարապետ: ՀՀ վաստակավոր ճարտարապետ (1981): Ավարտել է ԵՊԻ (1957): 1958-ից աշխատում է Երևաննախագիծ ինստիտուտում. 1971-1979- ին՝ գլխավոր ճարտարագետ, 1980-1988-ին՝ գլխավոր ճարտարապետ, 1991-ից՝ ճարտարապետական արվեստանոցի ղեկավար: 1988-1991-ին՝ ՀԽՍՀ ճարտարապետության և քաղաքաշինության կոմիտեի նախագահ, միաժամանակ՝ ՀԽՍՀ Պետշինի նախագահի առաջին տեղակալ: Ալեքսանյանի նախագծերով Երևանում կառուցվել են Ռուս-հայկական (Սլավոնական) պետհամալսարանի համալիրը (1970), Մաշտոցի պողոտայի տրանսպորտային հանգույցը (1975), «Դվին» հյուրանոցը (1978, ՀԽՍՀ Պետական մրցանակ ՝ 1979), Հերոսների ծառուղին և Անհայտ զինվորի գերեզմանը «Հաղթանակ» զբոսայգում (1985), կայարանամերձ հրապարակի վերակառուցումն ու կառուցապատումը (գլխավոր ճարտարապետ, հեղինակային խմբի հետ), «Հյուսիսային ճառագայթ» բնակելի թաղամասը (2001), Ռազմական ինստիտուտի համալիրը (1996-2004), շենքեր՝ էջմիածնի խճուղու վրա (1962), Դիլիջանում (1968), Ծաղկաձորում (1975-1978, 1986), Գյումրիում (1991): Ալեքսանյանը Երևանի Հյուսիսային պողոտայի հեղինակներից է: